Birnan

Próflestur

2007-04-27T20:02:00.001Z

Það er komið að próflestrinum!!!
Þá er auðvitað komið að árlega hugarflakkinu sem heltekur mann í prófunum, einbeitingin mín virðist alveg fjúka í veður og vind á þessum árstíma. Það er líka margt sem liggur meira ofarlega í huga mér en spurningar á borð við; Settu fram jöfnu sem lýsir breytingum á tíðni allels á einum lókus með tvö allel vegna náttúrlegs vals og greindu frá helstu þáttum jöfnunnar!!!!

Eins og til dæmis komandi Tælandsferð, með viðkomu í Danmörku, shit hvað ég get ekki beðið. Það verður auðvitað að fara út að borða, versla í H&M, á pubinn, í tívolíð, áhyggjulaus í hakkí sakk s.s. öllu tilheyrandi!
Fór svo loksins í fyrsta köfunartímann í gær í frábærri opinni sveitasundlaug með fuglasöng í eyrum. Hlakkar alveg óstjórnlega til að fara svo í alvöru köfun, en hún verður farin sama dag og ég lýk prófum. Smá kapphlaup að fá köfunarréttindin áður en maður fer til Tælands svo maður geti nú kafað eitthvað þar.

'Var líka að uppgötva nýja hlið á mér!! Er búin að panta, ásamt Sögu og Dána, skordýra söfnunarsetti, já hver hefði trúað því að skordýrasöfnun yrði mitt næsta thingi (Verð með háfinn á lofti í TælandiVerða að bæta þessu inn í áhugamál hjá mér í ferilskrána mína).
Myndirnar af mér frá Tælandi eiga sem sagt eftir að samanstanda af mér með háf á lofti eða á hnjánum að veiða bjöllur, vaðandi leiruviðarskóga og skoðandi rætur Rhizophora trjáa eða á leið í köfun.
Svo er líka að athuga hvort þið þekkið mig:
http://www02.quizyourfriends.com/quizpage.php?quizname
=070426215003-328662

P.S. er líka nýkjörinn formaður Haxa, þannig að það verður nóg að gera á næsta ári :)

Úúúllfuuuur!

2007-03-26T12:37:00.000Z

Holy crap! þarna munaði svo litlu

Hef verið að undirbúa jarðveginn undanfarið fyrir: Hætta með snuddu! Keypti svo bók á bókamarkaðinum í Perlunni um daginn, þar sem söguþráðurinn snerist um að hún Lilja ætlaði sko alltaf að vera með snuddu. Svona söguþráður með boðskap og tilgang, ofboðslega uppeldislegt. Nema hvað þegar síga fer á seinni helming bókarinnar þá kemur daddarara vondi, ílla lyktandi og grimmi úlfurinn! Lilja segir honum að fara burt, en úlfurinn skilur hana ekki með snudduna upp í sér og urrar bara meira á hana. Endar með því að Lilja stingur snuddunni upp í hann og hann verður ljúfur sem lamb og sögulok verða því að úlfurinn labbar inn í skóginn aftur hæstánægður með þessa snuddu sína!!!!! Helv$%&? þetta átti ekki að fara svona. Úlfur sofnaði líka hæstánægður með snudduna í munninum og eina í hendi.

Næst kaupi ég bara bókina: Moldvarpan sem vildi vita hver skeit á hausinn á henni. Hmmm hún hefur þann boðskap að... fólk eigi... að uuuuu leita að sannleikanum... já einmitt.

Sumarvinna

2007-03-19T16:37:00.000Z

Vuuhhhhúúúú, er komin með flottustu sumarvinnunnuna!!!!!
Mun munda sjónauka á skipi í mánuð og telja hvali. Gerist ekki betra að mínu mati.

Lítur allt út fyrir það að þetta eigi eftir að vera mjög fjölbreytt og skemmtilegt sumar framundan. Þrjár vikur í tælandi, mega afmælispartý hjá okkur skötuhjúum (uuhmm Ömmi meðal annars að verða þrítugur, híhí) og svo bara á sjóinn, shit hvað þetta verður gaman. Eina sem skemmir er sumarpróf í erfðafræði í ágúst sem samkvæmt öllum líkum á eftir að hanga yfir manni allt sumarið.

Með kveðju að hætti að háhyrnings
http://www.seaworld.org/animal-info/
sound-library/quiz/audio/soundseven.aiff

Sandgerði.....

2007-03-04T22:05:00.000Z

Ástin hreinlega blómstraði á Ölver.....

Ef maður vill bjaga sannleikann og koma gróusögum af stað, hahahaha
Annars vill ég þakka þriðja árinu fyrir "drengilega" baráttu í klámvísu keppninni á föstudaginn en þetta var eftirminnilegt kvöld sem einkennaðist af miklum söng og pólverjum.

Karate

2007-02-12T15:27:00.000Z

Svona ef það hefur farið fram hjá ykkur þá er ég byrjuð að æfa karate. Jább, vissi að ég myndi taka mig einstaklega vel í hvíta gallanum, reyndar er hvíta beltið að bögga mig dáldið vildi að ég gæti nú brotið hann upp með einhverjum lit.
Eins og þið sjáið þá get ég verið mjög ógnvekjandi og tekið ykkur í karphúsið ef þið eruð með eitthvað múður.
Takið samt tillit til þess að ég get það bara við þá sem eru í mínum stærðarflokki!

Með Kiiiiaaai
Birna

Framúrskarandi

2007-02-02T11:02:00.000Z

Það er aldeilis, kærasti minn er framúrskarandi!
Ömmi hlaut styrk úr Verðlaunasjóði Bergþóru og Þorsteins Scheving Thorsteinssonar lyfsala (það er kannski meira við hæfi að skrifa Ögmundur af þessu tilefni). Ögmundur sem sagt og annar doktorsnemi hlutu styrk fyrir framúrskarandi rannskóknir í lyfjafræði. Ekki amalegt það :)
Hérna er fréttin fyrir þá sem vilja komast á snoðir um meira!
Reyndar smá ósátt þar sem tekin var mynd með mig líka inn á stolt við hliðin á honum Ömma mínum, hef greinilega bara skyggt svona mikið á verðlaunahafana að þeir hafa ákveðið að hafa ekki þá mynd. Get svo sem skilið það.

Nýjasta tækni og vísindi

2007-01-19T10:09:00.000Z

Já það er mikil eftirsjá í þeim þætti, þar sem hann Sigurður H. Richter skordýrafræðingur, sem hvert mannsbarn þekkir, birti manni nýjustu tækniuppgötvanir heimsins og sem barn sat maður límdur við skjáinn og gapti af undrun yfir þessum tækniframförum. Nú sit ég í Dýrafræði B, fag sem beðið var eftir með mikilli tilhlökkun, og fæ að hlusta með vellíðunarkennd á sefandi rödd hans útskýra fyrir manni flokkunarfræði einfrumunga og æxlun þeirra.

Uppeldið...

2007-01-17T11:23:00.000Z

Það er nú dáldill húmor í stráknum mínum! Um daginn voru ég og Ömmi ekki alveg á því að vakna strax þegar Úlfur var að reyna að draga okkur fram úr. Hann tók þá til sinna ráða og náði í vatnsbyssuna sína, fyllti hana sjálfur af vatni og sprautaði síðan okkur fram úr rúminu, þar sem við stukkum upp úr því með andfælum og hann er bara asskoti hittinn. Tókst endemum vel hjá honum.
Já ég held að mér sé bara að takast vel upp með uppeldið!

Uppbyggileg gagnrýni og uppköst

2006-11-08T10:22:00.000Z

Ég hef verið að fá nokkra gagnrýni undanfarið en sem á réttilega rétt á sér! Fólk hefur verið að skjóta á mig að ég hafi stundað óbloggaralega hegðun upp á síðkastið ;) úr því verður bætt hér með!

Það er alltaf nóg að gera hér á bæ, endalaus hópaverkefni og er ég alveg komin með meira en nóg af þeim að ég gæti hreinleg gubbað. Sem ég reyndar gerði þegar ég, saklaus nemandi, var notuð sem tilraunadýr í hrottafenginni lífeðlisfræðitilraun. Þar var ég látin borða 7,6 gr af salti og svo átti að athuga hvaða áhrif það hefði á pissið mitt. Ha ha ég sá samt við þeim og gubbaði stuffinu svo mælingarnar mínar yrðu marklausar. Samnemandi minn var greinilega á sama máli því hann ældi líka.

Hin mjög svo mikilvæga tilraun okkar Sögu, Heiðu og Höbbu í sjávarvistfræðinni er að fara að ljúka á föstudaginn. Þar sem við erum að gera atferlisfræðilega tilraun á bogkröbbum um lært fæðuval þeirra. Það munu örugglega koma fram break through niðurstöður úr henni.

Carcinus maenas

Var svo á hinu langþráða köfunarnámskeiði á gærkveldi nema hvað ég var alltaf geyspandi allt kvöldið, var hreinlega að leka niður úr þreytu og leiðbeinandinn var svo ókristilegur að bjóða ekki upp á kaffi og þegar ég impaði á því hvort upp á það yrði boðið þá sagði hann að hann drykki ekki kaffi ekkert svoleiðis yrði á boðstólnum. Það hljómaði auðvitað sem guðlast í mínum eyrum. Bóklega er svo framhaldið, svo er bara spurning hvort maður eigi að troða verklega hlutanum í mína þéttskipuðu töflu fyrir jól eða taka þetta frekar í rólegheitunum eftir jól í mars. Sem væri ekki svo óvitlaust því það væri nær TÆLANDS FERÐINNI, en þar verður sko kafað!!!! Þá verður þessi nýaflaða vitneskja manni ofarlega í huga þegar maður dempir sér í sjóinn.

Maður fékk að heyra hinu ýmsu dæmisögur sem átti að fá okkur til að hugsa okkar gang. Hann átti örugglega fleiri sögur í safninu sínu heldur en í dæmisögum Esóps. Við fengum meðal annars að heyra um dauðaslys sem höfðu átt sér stað í köfun hérna á Íslandi, ekki frá að það setti að manni hroll, en eins og sannri dæmisögu sæmir þá hefði mátt koma í veg fyrir það með því að fara rétt að hlutunum, ekki styttri leiðina.

Fröken viðutan

2006-10-09T09:24:00.000Z

Ég var að versla í bakarí um daginn og var að fara að borga þá rankaði ég við mér með skólatöskuna í fanginu og var að gramsa í pennaveskinu. Kannski var sjálfið mitt stokkið aftur í tímann og ætlaði að hafa fram vöruskipti á samloku og skrúfblýanti.
Ég hló auðvitað þegar ég fattaði þetta en afgreiðslustelpunni stökk ekki bros á vör, fannst ég ekkert skondin.

Redding

2006-10-04T09:24:00.000Z

Fór út á lífið fyrir um 2 vikum nema hvað ég var með svo mikla rót í hárinu og hafði ekki haft neinn tíma til þessa að láta ömma lita mig. Svo var ég að mála mig og fannst ég bara orðin fín en rótin bókstaflega æpti á mig, sá hreinleg ekki annað!!!
Ég ákvað að taka málin í mína hendur og maskaraði rótina, það tókst bara með ágætum :)

Ráðstefnur

2006-09-10T14:35:00.000Z

Er voða dugleg og er komin upp í skóla að læra nema hvað ég gleymdi nestinu mínu, þá er ekki amalegt að Askja sé aðal ráðstefnu pleisið á svæðinu. Þá er bara að um að gjöra að spóka sig um meðal ráðstefnu gesta og láta eins og þú átt heima þarna og gæða þér á bitastæðum samlokum og kaffi :))
Þetta gekk þó ekki eftir þegar það var ráðstefna um nýjan slökkviliðsbúnað núna í sumar, þá hefði umrædd aðferð ekki gengið eftir. Held að ég hefði skorið mig aðeins út úr fjöldanum standandi í röð með fílvöxnum slökkviliðsmönnum, en sú ráðstefna var með topp 10 einkunn fyrir girnilegan mat, úúfff horfði girndaraugum á hann.

Já gleyma nestinu, ég virðist alltaf að vera gleyma einhverju, ef það eru ekki lyklar, veski eða gleyma að segja Ömma að bíllinn sé að fara í viðgerð og hann ætti að fara með hann þá er það að gleyma að borga bensínið sem ég var að dæla á bílinn!!!!! Það var hrikalega fyndið, Ömmi fékk símhringingu í heimasímann nokkrum dögum eftir að ég hafði gleymt að borga. Starfsmennirnir hafa s.s. þurft að horfa á upptökur af svæðinu til að hafa upp á mér, hef greinilega ekki litið krimmalega út úr því að þeir hringdu bara. Sé þetta alveg fyrir mér standandi þarna í mínum eigin heimi :)))))))

Hvernig tek ég mig út?

2006-09-07T11:48:00.000Z

Skólinn er byrjaður aftur, finnst það æðislegt!!!!
Nú finnst örugglega margum manninum ég vera skrýtin en ef ég segi ykkur að ég sé í sjávarvistfræði, vatnalíffræði og dýralífeðlisfræði þá skiljið þið mig fullkomlega :)
Er reyndar líka í erfðafræði og hún kemur bara skemmtilega á óvart.

Það er búið að vera nóg að gera hjá mér undanfarið og verður enn meira að gera á næstunni úúfffff.
Ætla að reyna að klára þetta sumarverkefni mitt í september og sé fram á skemmtilegar skýrslugerðir.

Fór annars í mjög svo skemmtilega Mývatnsferð í síðustu viku, en það var verklegi hlutinn af vatnalíffræðinni, tók mig einstaklega vel út í feltinu eins og meðfylgjandi myndir sýna.

Já við Fannsi lögðum sko ýmislegt á okkur, en við tökum okkur ótrúlega líffræðingalega út, getum sko verið stolt af okkur :))))

Sienna action

2006-08-15T13:05:00.000Z

Það þarf ekki mikið til að gleðja margan manninn :))))))
En ég og Siggi kölluðum þetta: Sienna action, til höfuðs fyrrverandi kærustu hans Laufars.

Annatími!!!

2006-08-14T16:49:00.000Z

Háannatími framundan. Veit hreinlega ekki hvernig ég á að haga mér. Nú eru aðeins 2 vikur framundan þar til skólinn byrjar og í millitíðinni verð ég að halda upp á 2 ára afmælið hans Úlfs með tilheyrandi stressi yfir kökubakstri og þrifum sem ég gæti stolt boðið fjölskyldunni minni uppá. Þriggja daga grasafræði sumarnámseið (25-27. ágúst) og viku ferð til Mývatns í fyrstu skólavikunni (28-2. ágúst, ef fólk vill fylgjast með ferðum mínum).
Svo ég sé fram á glataða skólaviku í byrjun annar, skýrslugerð vikunni þar á eftir í grasafræðinni og útkomu mývatnsferðarinnar, brjálaða vinnu í modelling sumarverkefninu en ég verð að vinna í því fram á haust og er ég að deyja úr stressi yfir því!!!!!!!!!!!!!
Nóg að gera, nóg að gera.......

Góðu fréttirnar eru þó þær að mikil gleði ríkir yfir stundatöflunni minni vúhúú, öll fögin mín komust fyrir sem ég vildi hafa, eftir nokkur e-mail sambönd við yfirvaldið þar sem biðlað var til þess að vinsamlegast breyta $#%! stokknum f. sjávarvistfræðina.

Acknowledgements.
Pálmi Jóhannesson, lic.-ès-lettres, skrifstofustjóri

Vúhúú, komin með fartölvu!!

2006-08-11T17:24:00.000Z

Loksins loksins!!! er komin með fartölvu aftur:))))
Ég og Saga fórum og versluðum okkur tölvur á þessu kostatilboði. Acer tölvu á 119.000 áður á 159.00 uss uss ekki amalekt það.
Þetta er sem sagt allt að koma hjá mér, eignuðumst digital myndavél um jólin, iPod í afmælisgjöf, stofnaði bloggsíðu og nú er fartölvan komin í hús. Tók mér nefnilega smá pásu frá öllu tæknilegu í nokkur ár en er öll að koma til núna. Er þegar komin næsta item á óskalist en það eru þessar geðveiku græjur sem maður stingur iPodnum í!!!!!

Nú er bara að halda í sjálfsagann í vetur þegar maður er í dead boring tíma að fara ekki að leika sér á netinu (ekki alltof mikið:))))

Afslappað andrúmsloft

2006-07-24T13:00:00.001Z

Frægð og frami eru nú á næsta leyti!!!

Það kom grein í fréttablaðinu í gær þar sem er viðtal við mig og Sögu og auðvitað er hvorug okkar ánægð með myndina af okkur. Svo er Saga ekki rétt feðruð og eitthvað hefur nú misfarist hvað ég sé að gera í sumar!!!!
Það er ekki alveg rétt að ég sé að skrásetja sjávarrannsóknir, heldur var það hann Halldór doktorsnemi hérna sem gerði það en já ég var að vinna að skýrslu fyrir umhverfisstofnun og en í henni var ég t.d. að bera saman EUNIS classes (European Nature Information System) og bera það saman við okkar sjávar MPAs (marine protected areas).
Svo er núna að gera svokallað predictive habitat modelling, uss uss uss það hljómar miklu betur og pro og það vantaði alveg :)))))
En ég gæti alveg trúað að þetta hafi komið svo ruglingslegt út úr mér því einhverja hluta vegna varð ég svo stressuð þegar hann byrjaði að taka viðtal við okkur, var ekki búin að hugsa hvað ég ætti að segja fyrirfram.
En hvað með það, er samt búin að hengja greinina upp hérna hjá okkur!!!

Líffræði nörd

2006-07-19T12:50:00.000Z

Það er komið að því!!!!
Er einu skrefi nær að verða líffræði nörd. Var að fá í hendurnar bækurnar mínar sem ég pantaði á amazon, miklu aðgengilegri bækur til að sýna manni hvernig reikna skal tölfræði úr gögnum heldur djö#$% ruslbókin sem maður hafði í Lífmælingum og framkallaði sjálfkrafa hroll þegar maður hugsaði út í fagið.

Eitthvað held ég að þessar eigi eftir að bæta ýmind manns á lífmælingum héðan í frá :))))))
Nú er bara að glugga í þetta í sumar, hmmm kannski orðin aðeins of bjartsýn ;)

Færeyjar

2006-07-19T10:08:00.000Z

Saga hefur fengið mig til að trúa að maður getur unnið í happdrætti!!! Helvítið vann í gær miða til Færeyja á G-festival :))))) og er hún og Ásdís að fara í dag og verða fram á sunnudag.

Hefði veðurspáin ekki verið svona góð næstu daga hefði ég skellt mér með þeim, því ég var orðin algjörlega veik að fara í gær þar sem maður var með Sögu yfirspennta hérna í kringum sig. Því það er nú ekki amalegt að djamma með þessum stelpum eins og ég kynntist á hólum. Verð samt að biðja Sögu að færa mér einn svona:

Kubb

2006-07-18T11:32:00.000Z

Nýuppgötvaður leikur sem ég kynntist í Hóla útilegunni, rústaði meðal annars Sögu, Ásdís og Borgný. Nú er komin tími til að endurtaka leikinn, ætlum út í hádeginu að spila og ætla ég að kenna Sögu hvar Davíð keypti ölið!!!

http://www.vmkubb.com/index.asp

Hólar

2006-07-11T09:59:00.000Z

Útilega ársins nýafstaðin!!!
Ég, Saga, Ásdís og Borgný lögðum upp í ferðalag í Skagafjörðinn ásamt nokkrum líffræðingum og við spurðum okkur á leiðinni hvaða heilvita manni ákvað það að útilegan yrði að vera á Hólum, því við keyrðum úr góða veðrinu í rigningu og kulda. Það stoppaði okkur þó ekki því við settum upp bjartsýnisgleraugun og þuldum fyrir munni:
Það er ekkert sem heitir vont veður, bara rangur klæðnaður!!!

Það gekk þó ílla að halda á sér hita á föstudagskvöldið þrátt fyrir hetjulega drykkju og flest okkar þurftum að kljást við draum- og svefnlausa nótt, en þetta var kaldasta nótt sem flest okkar höfðum upplifað. Enda sáum við morgunin eftir að það hafði snjóað í fjöllunum, þá flýðu sumir af hólmi seinna um daginn og enn aðrir urðu veikir og gátu ekki haldið gleðinni áfram á laugardagskvöldið.

En við stelpurnar héldum uppi heiðri okkar og sátum í rigningunni á laugardagskvöldið í æsispennandi drykkjuleikjum, þangað til ákveðið var að sækja gleðina annað og ferðinni var haldið í Sauðakrók þar sem viðtók yndisleg barstemmning með Johny King í eyrunum.
Johny (já með einu n-i) King kunni sko að halda taktinn :))))))
Svo þegar barnum var lokað fékk maður tónleika með tónelskum ungum herramönnum, sem rödduðu (eða reyndu, drykkjan kannski e-ð farin að segja til sín) stoltir fyrir mann skagfirsk lög.
En gamanið var engan vegin búið því leiðin lá niður í partýtjald á tjaldsvæðinu þar sem var sungið og trallað, og sungið meir, fram undir morgni og bera video upptökurnar mínar þess góðs vitnis :))))))))
Enn yndislegra var þó að okkur var boðið heimagisting af gestrisnum skagfirðingi, honum Kidda sem eldaði ofan í okkur samlokur áður en við fengum að fara að sofa.
Jáhá, svona á að gera þetta!!

Upphafið

2006-07-10T10:17:00.000Z

Er búin að sogast í hringiðu bloggsins og sjálfhverfunnar, búin að stofna bloggsíðu eins og restin af hjörðinni :))))

Þetta á nú eftir að verða einhver suðupottur sem mun markast af Úlfinum, skólanum, myndum til að deila og öðru bulli!!!